Fotos:

Jokin Elizalde

A la derecha de la imagen, con Luis Irizar

Juan José Lapitz Mendia

Idazle eta gastronomoa izan zen. Hondarribia sortu zen 1934an eta bertan zendu zen 2017ko uztailean. Berrogeita hamarreko hamarkadan hasi zen idazten, “Ondarribi” aldizkarian, hain zuzen. Gerora, hainbat egunkari eta irratitan lagundu zuen.

1975 urtean “Anekdotario Ondarribitarra” argitaratu zuen, eta bertan bere herriko pertsonaiei buruzko istorioak kontatzen zituen. Kepa Kaizar ezizena erabiliz, “Rincones de Euzkadi” Iparralde eta Auñamendi aldeko lurraldeei buruzko artikulu saila argitaratu zuen Deia egunkarian 1981ean. “Amar a Euskalerria conociéndola” argitaratu zuen 1984 urtean Hondarribian. Euskal Herriari buruzko idatziak direla-eta, mugaz bi aldeetako hainbat kofraditako Ohorezko Kofrade izendapena jaso zuen. Liburu ugari argitaratu zituen gastronomiaren inguruko hainbat gairi buruz. ”Juan José Lapitz. Memorias de un gastrónomo vasco” lan biografikoa 2017an argitaratu zen. Fernando Sánchez-ek idatzi zuen eta Lapitz-ek berak ere parte hartu zuen idazte lanetan.

Idazteaz gain, gastronomia eta bidaien inguruko gaiak (bere zaletasunik handienetakokak) jorratzen zituzten hainbat ekitaldi eta erakunderen sustatzaile izan zen.

Bidasoko Izokinaren Kofradiako sortzaile eta agirizaina ere izan zen. Bere azkenetako ikerketa lan bat Anaka Kofradiak eskatutakoa izan zen, Tortilla Irundarrari buruzkoa.

Itzulpena: Joxemi Aranburu