Valençay dans l'Indre-n sortua 1955ean. Hamalau urte zituela lanbide ikasketak hasi zituen, eta Levroux herriko Hotel du Centre-n ibili zen ofizioa ikasten. Lau urte geroago Relais de Poitiers-era pasatu zen, eta geroztik jatetxe ospetsuetan aritu da, hala nola, Pariseko Maxim's , Sologne-ko l'Auberge des Templiers, eta Hautes de Loire-ko  Domaine. 1986 urtean Cannes-era joan zen, Hotel Martinez-era, eta bost urte egin zituen bertan Christian Willer ospetsuaren laguntzaile. 1991 urtean Miarritzeko Hotel du Palais-eko ardura hartu zuen, eta urte horretan bertan, Frantziako sukaldarirk onena izendatu zuten. Gaur egun, Jean Marie Gautierrek Hotel du Palais-en jarraitzen du, eta sukaldaritza klasikoa zein berritzailea eskaintzen du bertan.